Хүн бүхэнд бурханлаг, чөтгөрлөг чанар байдаг гэдэг. Хэчнээн гэгээрэх гэж хичээвч хааяа Ундармаатах үе байна аа байна.
УИХ-ын гишүүн Д.Анужин “Монгол тулгатны 100 эрхэм” нэвтрүүлгийн хөтлөгчөөр ажиллан, олны анхааралд орж ирсэн ч найруулагч Б.Баатартай нэг оронд орсноос болж эхнэр Ч.Ундралтай нь тухайн үед ёстой л гал халуун уулзалт хийж байсан нь сошиалд цацагдан шившигээ тавьж байлаа. “Тийм, би танай нөхөртэй, Б.Баатартай унтсан, тэгээд яасан” гэж хээвнэг эхнэрийнх нь өөдөөс харж суугаад хэрэлдэж чадаж байхыг бодоход дотор нь хэр их хорсол, зэвүүцэл, ялан дийлэхийн хүсэл оргилж байсныг таашгүй. Дараа нь Э.Нандинзүрх хэмээх “Mint” баарны эзэн залуутай амраглаж, эцэст нь авч суугаад хоёр ч хүүхдийг нь төрүүлэн “Алдарт эх” болж чадсан тэрбээр УИХ-ын гишүүн болно л гэсэн бол болдогоо харуулж чадсан.
Гаднаа бол манай хүн ихэд халуун дотно, хайр цацруулсан эмэгтэй шиг байж чаддаг ч заримдаа хүний санаанд багтамгүй чөтгөрлөг үйлдэл гаргадаг нь түүний үнэн төрх мэт. Харин гишүүн маань яаж ийгээд л гэгээрчих гээд хичээдэг. Гандан хийдийн хамаг л үйл ажиллагаанд идэвхитэй оролцож, гоё сайхан Монгол дээл хувцсаараа харин ч нэг гангараад ирэхээ мэднэ. Гаднаа гяланцаг, дотроо паланцаг гэгчээр түүний өнгөрсөн түүх гэвч бүгдийг санагдуулах. Гэхдээ хүн өөрчлөгдөж болно шүү дээ, нас нэмэхийн хэрээр ухаан нэмсэн ч юм бил үү хэн мэдлээ. Ингэхэд хүний нөхөртэй унтсанаа зарладаг тухай нь одоо асуувал юу гэх бол гэсэн адын бодол хааяа орж ирдэг л юм.
