Яг одоо МАН-ын Удирдах зөвлөл хуралдаж байна. Өнөөдөр Монгол Улсын Ерөнхийлөгч Х.Баттулга мэдэгдэл хийж, МАН-ыг тараах захирамж гарган Улсын дээд шүүхэд хүргүүлж буйгаа зарласан. Тэрбээр хэд хэдэн хуулийн болон үйл явдлын үндэслэл гаргаж, МАН тарах нь зүйтэй гэсэн байр суурьтай байгаагаа илэрхийлсэн юм.
Улс төрийн намын тухай хуулиар намыг улсын бүртгэлээс хасах тухай шийдвэрийг Улсын дээд шүүх гаргадаг. Тэгвэл Ерөнхийлөгчийн эл мэдээллийн дараа МАН – ын Удирдах зөвлөл хуралдаж эхэлжээ. Хуралдаанаар үүсээд буй нөхцөл байдал болон хууль эрх зүйн холбогдох орчны талаар хэлэлцэж буй гэх мэдээлэл байна .