Их Британийн Манчестер хотод амьдарч буй иргэн Б.Бямбасүрэн, Э.Дэнсмаа нар “Ид шидийн уут-2019” аянг тус хотод энэ сарын 8-нд зохион байгуулжээ.
“Ид шидийн орон” хүүхэд хамгаалалын төвөөс Улаанбаатар хотын захын дүүргийн зорилтот бүлгийн хүүхдүүдэд бэлэг өгөх, айл өрхүүдэд туслах зорилгоор “Ид шидийн уут-2019” аянг өрнүүлж буй. Уг аянд Манчестер хотод амьдарч буй монголчуудыг нэгтгэх зорилгоор иргэн Б.Бямбасүрэн, Э.Дэнсмаа нар Мортон паркт 10 км-ийн гүйлт болон алхалт зохион байгуулжээ.
Үүнд Манчестер хот дахь Гүйлтийн группын бүсгүйчүүд болон бусад хүмүүс идэвхитэй оролцож, 830 фунт стерлинг буюу гурван сая төгрөгийн хандив цуглуулж, “Ид шидийн орон”- хамт олон хүлээлгэн өгөхөд бэлэн болжээ.
Хандивын аяныг Лондон дахь Жи-СтудиМН | G-StudioMN дэмжин ажиллалаа.