Өнөөдөр МАН-ын Удирдах зөвлөлөөс Ерөнхийлөгчийн сонгуульд нэр дэвшүүлэхээр сонгосон У.Хүрэлсүхийн материалыг Сонгуулийн ерөнхий хороонд хүргүүлсэн. Хороо хүлээж авсан.
Харин дараа нь Ардчилсан нам нэр дэвшигчдийнхээ материалыг хүргүүлэхээр ирэхэд бүртгэж авсангүй. Өөрөөр хэлбэл хоёр Ардчилсан намаас ирсэн хоёр нэр дэвшигчийн алиныг ч хүлээж авахгүй гэж мэдэгдлээ.
СЕХ-ны дарга П.Дэлгэрнаран “Үндсэн хуулиар нэг намаас нэг л хүн нэр дэвшинэ гэж заасан тул энэ дагуу АН-ын хоёр нэр дэвшигчийг бүртгэх боломжгүй” гэсэн байна.
Үүнд АН-ын бүлгийн дарга Д.Ганбат, УИХ-ын гишүүн О.Цогтгэрэл эсэрүүцлээ илэрхийлж байна.
УИХ-ын гишүүн Н.Алтанхуяг материалыг хүлээж авахгүй бол эндээс гарахгүй, цаашлаад ард түмэндээ хандана гэлээ.