Тавилгын худалдаа, үйлчилгээгээр олонд танигдсан “Сохо мебель” компанийн тэргүүн хатагтай Монголмаагийн зургийг уншигч та харж байна.
Оросдуу дүр төрх, өндөр хамар, өсгөлүүн бие хаа, цэвэрхэн шаргал арьс гээд Монголмаад бурхан сайхан бүхнийг харамгүй заяажээ. Гурван сайхан хүүгийн ээж тэрбээр хадмууддаа Алтан бэр гэж хүндлэгддэг нь мэдээж. Загварын ертөнцөд харваад өнгөрсөн од мэт хоромхон хугацаанд гялбасан тэрбээр загварынхан дундаа дархлагдсан модель. Ганц удаа тайзан дээр гарч, ганцхан рекламанд тоглосон ч сэтгэлд тодоос тод үлдэх дүр гэж байдаг. Монголмаа яг л тийм гялгар од.
Өдгөө тэрбээр VIP үйлчилгээ бүхий дэлгүүрээ ажиллуулж байна. Авчирсан трендүүдийг загварынхан нь худалдаад авчихдаг гэж болно. Харин ч бүр дэлгүүрээ битгий олон нийтийнх болго, зөвхөн VIP үйлчилгээтэй, хаалттайгаар ажиллуулаач хэмээн ятгацгаадаг сурагтай. Цор ганц загварууд авчрахаас гадна имижийг нь хүртэл тодорхойлж, хослох хувцас, аксисуарь, үс засалтыг нь ч яг л донжийг нь олоод хэлээд өгчихнө. Ашигтай байгаа биз. Ийм нэгэн бүсгүйг энэ удаа People онцоллоо.
