Монголын Морин Спорт уяачдын холбооны тэргүүн асан Пунцагбалжир агсны хүү Тод манлай П.Энхмөнхийн гэрийн эмэгтэйчүүдийг та харж байна. Ээж Эрдэнэцэг нь ханиа тэнгэрт дэвшсэнээс хойш Мон-Эрдэнэ группээ хүүгийнхээ хамт хүний дайтай авч явах гэж хичээсэн. Харин эгч П.Халиун нь цагтаа Их аварга Д.Дагвадоржтой хайр сэтгэлийн холбоо үүсгэж явсан гэгддэг. Тормолзсон нүд, хөмсөг болсон царай зүс сайтай бүсгүй байгаа биз. Ягаан хүрэм, хар бошинзоор гоёсон эмэгтэй бол П.Энхмөнхийн гэргий Г.Урангоо. Ханьдаа дөрвөн хүүхэд төрүүлж өгсөн тэрбээр Азийн шилдэг 20 оюутны нэгээр нэрлэгдэж явсан гэх юм билээ. П.Энхмөнх л тэгж хэлсэн шүү, яг үнэн эсэхийг бид батлахгүй. “Надтай суусан бүсгүй миний ээжтэй давхар гэрлэнэ гэсэн үг” хэмээн хүний эрхэд халдсан онцгүй ярилцлагаар хуримынхаа босгыг тавьж байсан П.Энхмөнх яаж ч буруу зүйл хийсэн өөрийнхөө талд бат зогсох эхнэрийг харин сонгож чадсан бололтой.
