“Токио-2020” зуны олимпийн XXXI наадам эхлэхэд 96 хоног үлдээд буй энэ үед спорт сонирхогчиддоо зориулж Олимпийн тухай болон Токио-2020 олимпийн наадмыг зохион байгуулах Япон улсын тухай “Таны мэдэх ёстой 100 баримт”-ыг хүргэж байна.
- Олимпын наадам 2021 оны 7-р сарын 23-наас 8-р сарын 8-ны өдрүүдэд болно.
- Олимпын наадам болох цэнгэлдэх хүрээлэнг 1964 оны Токиогийн олимпын наадмын суурин дээр шинээр бүтээн байгуулсан.
- “Токио-2020” Олимпын наадамд каратэ, спорт авиралт, сёрфинг, скейтбординг, софтбол / бейсбол гэсэн таван шинэ спорт багтсан
- Токио хот нь дэлхийн хамгийн их хүн амын нягтшилтай метрополитан бүс нутагт байрладаг бөгөөд 2020 оны байдлаар 37.393 сая гаруй хүн оршин сууж байна
- Эрэгтэйчүүдийн 100 метрийн дэлхийн дээд амжилт нь 9.58 секунд бөгөөд 2009 онд Ямайкийн тамирчин Усейн Болт тогтоожээ.
- Австрали, АНУ, Испани нь “Токио-2020”-д багийн спортын төрлөөр хамгийн олон эрх авсан гурван улс юм.
- Япон бол хүн амын тоогоороо дэлхийд XI байрт орохын зэрэгцээ хамгийн их төвлөрсөн, хотжсон орны нэг юм.
- Эрэгтэйчүүдийн өндрийн харайлтын дэлхийн дээд амжилт нь 2.45 метр бөгөөд Кубын Хавьер Сотомайор 1993 онд тогтоожээ.
- Япон улс нь 47 мужид хуваагддаг бөгөөд сонгогдсон засаг дарга ба хууль тогтоох байгууллага удирдан хянадаг.
- “Токио-2020” наадмын соёлын албан ёсны хөтөлбөрийг NIPPON фестиваль гэж нэрлэдэг бөгөөд 2021 оны 4-р сараас 9-р сар хүртэл зохион байгуулдаг аж.
- “Токио-2020” олимпын наадмын бэлгэдэл сахиус /Маскот/-ын нэрийг MIRAITOWA гэдэг.
- “Токио-2020”-д спортын 33 төрлөөр өрсөлдөнө.
- “Токио-2020” олимпын наадмын хөтөлбөрт жүдо (холимог баг), триатлон (холимог буухиа), хөнгөн атлетик (4х400 метрийн буухиа), байт харваа (холимог хос), ширээний теннис (холимог хос), буудлага (10м-ийн хийн урт бууны холимог баг, 10 м-ийн хийн гар бууны холимог баг таваг буудлага холимог баг) усанд сэлэлт (4х100 м холимог буухиа) зэрэг спортын холимог төрөл багтжээ.
- Дахин боловсруулсан хуучин гар утсаар 5000 орчим Олимпын медалийг урлана.
- “Токио-2020” Олимпын бамбарыг сакура буюу япончуудын хайрладаг интоорын цэцэг хэлбэртэй бүтээжээ.
- Эмэгтэйчүүдийн 100 метрийн дэлхийн дээд амжилтыг ( 10.49 секунд ) АНУ-ын Флоренс Гриффит-Жойнер 1988 онд тогтоожээ.
- Олимпын наадмын бамбарт буухиа 3-р сарын 25-наас 7-р сарын 23 хүртэл 121 хоног үргэлжилнэ.
- “Токио-2020” олимпын наадамд тамирчид 33 спортын төрөлд 339 багц медалийн төлөө өрсөлдөнө.
- Тадахиро Номүра бол гурван удаа олимпийн аварга болсон цорын ганц жүдоч билээ (60 кг-ийн жинд “Атланта-1996”, “Сидней-2000”, “Афин-2004”). Түүний амжилтыг “Лондон-2012”, “Рио-2016” олимпийн наадмын +100 кг-ын аварга Францын жүдоч Тедди Ринер давтах зорилго өвөртлөн “Токио-2020” олимпын татами дээр өрсөлдөнө.
- Медаль гардуулах ёслолын индэр бүтээхэд 24.5 тонн ашигласан хуванцар цуглуулав.
- Анх удаа 206 багийн бүрэлдэхүүнд дор хаяж нэг эмэгтэй, нэг эрэгтэй тамирчин багтана.
- Эмэгтэйчүүдийн өндрийн харайлтын дэлхийн дээд амжилт 2.09 м бөгөөд түүнийг Болгарын тамирчин Стефка Костадинова 1987 онд тогтоосон.
- Олимп, паралимпын наадам нийт 43 талбайд болно.
- Марафон гүйлтийн эрэгтэйчүүдийн дэлхийн дээд амжилт нь 2 цаг 1 минут 39 секунд бөгөөд Кенийн Элиуд Кипчоге 2018 онд тогтоожээ.
- БНХАУ-ын эмэгтэйчүүдийн волейболын баг нь дөрөв дэх олимпийн аварга цолоо хүртэхээр Токиод очно. Тэд 1984 оны Лос-Анжелесийн олимпод түрүүлж байсан бөгөөд домогт Лан Пин тоглож байсан.
- Фүжи уул нь Хоншю арал дээр байрладаг бөгөөд 3,776.24 м өндөр Японы хамгийн өндөр уул юм.
- Боксын тэмцээн болох “Кокүгикан арена” нь эртний Токио хотын Сүмида дүүрэгт байрладаг бөгөөд мэргэжлийн сумо бөхийн барилдааны гол ордон юм.
- Нээлтийн ёслолын өмнө спортын хоёр төрөл эхэлж, хөлбөмбөг, бейсбол / софтболын тэмцээний эхний тоглолт 7-р сарын 21-нд болно.
- “Токио-2020” олимпын наадамд зориулж 19 уран бүтээлч урлагийн 20 албан ёсны зурагт хуудсыг бүтээжээ.
- АНУ сагсан бөмбөгийн төрөлд боломжит 30 багц алтан медалиас 23-ыг нь (эрэгтэй 15, эмэгтэй 8) хүртжээ.
- Аллисон Феликс бол хөнгөн атлетикийн зургаан алтан медаль хүртсэн түүхэн дэх цорын ганц эмэгтэй юм.
- “Ниппон Бүдокан” ордонд 1964 оны олимпын жүдо бөхийн тэмцээнийг анх зохион байгуулсан бол энэ удаа шинээр олимпын хөтөлбөрт багтсан каратэгийн төрлийг хүлээн авах болно.
- Япон улс 6852 аралтай бөгөөд үүнээс 430 орчимд нь хүн аж төрдөг.
35. Гандболын төрөл нь анх гадаа задгай талбайд зохиогддог байлаа. Харин 1972 оноос хойш танхимын гандболын төрлөөр зохион байгуулагдаж байна.
36. Токио-2020 олимпийн наадмын нээлтийн ёслолд 1 эрэгтэй, 1 эмэгтэй нийт 2 тамирчин туг барьж жагсах боломжтой.
37. Нээлтийн ёслолтын маргааш буюу 7 дугаар сарын 24-нд спортын 7 төрөлд медаль гардуулна. Үүнд: Байт харваа, замын дугуй, туялзуур сэлэм, жүдо, буудлага, тэквондо ба хүндийг өргөлтийн анхны медальтнууд тодорно.
38. Токио-2020 Олимпийн наадамд Узбекистаны гимнастикч Оксана Чусовитина дөчин таван насандаа 8 дахь олимпдоо оролцоно.
39. Олимпийн түүхэнд анх удаа Япон улсаар аялах олимпийн бамбарыг ус төрөгчөөр цэнэглэн асааж байна.
40. Япон улсын газар нутаг нь Хоккайдо, Хоншю, Кюүшюү, Шикокү, Окинава гэсэн 5 үндсэн арлуудаас бүрддэг.
41. Олимийн наадмаас хамгийн олон медаль хүртсэн тамирчин бол АНУ-ын усанд сэлэгч Майкл Фелпс. Тэрбээр 23 алт, 3 мөнгө , 2 хүрэл медаль,нийт 28 медалиар энгэрээ мялаажээ.
42. Олимпийн 5 удаагийн аварга, Унгарын гимнастикч Агнеш Келети нь энэ цаг үеийн хамгийн ахмад олимпийн аварга юм. Тэрбээр энэ онд 100 насныхаа ойтой золгожээ.
43. Уран сайхны гимнастик, усны уран сэлэлт, софтбол нь зөвхөн эмэгтэйчүүд өрсөлддөг олимпийн төрлүүд юм.
44. Токио-2020 олимпийг “Cэргээн босголт , бүтээн байгуулалтын наадам” хэмээн нэрлэсэн нь 2011 онд болсон Японы зүүн талын хүчтэй газар хөдлөлтөд нэрвэгдсэн Тохокү бүс нутгийг бүх талаар дэмжих зорилготой.
45. Япон улсын хүн ам 2021 оны 4 дүгээр сарын 06-ны өдрийн байдлаар 126,180,983 байна (НҮБ-ын сүүлийн үеийн мэдээллээс).
46. Тулгууртай харайлтын эрэгтэйчүүдийн 6.18 м дээд амжилтыг Шведийн тамирчин Арманд Дуплантис 2020 онд тогтоожээ.
47. Токио-2020 сёрфингийн тэмцээн дөрвөн өдөр буюу 7 дугаар сарын 25-наас 28-нд төлөвлөгдсөн боловч тухайн үеийн далайн давалгааны байдлаас шалтгаалах тул Олимпийн сёрфингийн фестивалийг 7 дугаар сарын 25-аас 8 дугаар сарын 01-ний хооронд гэж зарлажээ.
48. Испанийн уран сэлэлтийн тамирчин Она Карбонелл нь Дэлхийн аварга шалгаруулах тэмцээний 19 медальтай боловч Лондон-2012 Олимпийн наадмаас л хоёрхон медаль хүртэж байв.
49. БНХАУ-ын баг тамирчид Лондон-2012 Олимпийн наадмын бадминтоны бүх төрөлд түрүүлсэн бөгөөд олимпийн наадамд тус спортын төрлөөр хамгийн олон (18) медалийг хүртсэн түүхтэй.
50. Хөнгөн атлетикийн эмэгтэйчүүдийн дүүгүүр шидэлтийн тэмцээний 82.98 м дээд амжилтыг Польшийн тамирчин Анита Влодарчик 2016 онд тогтоосон байна.
51. Аргентин улс нь Афин-2004 Олимпийн наадмын эрэгтэйчүүдийн сагсан бөмбөгийн төрөлд одоогоор анхны болон цорын ганц алтан медаль хүртсэн түүхтэй.
52. Рио-2016 Олимпийн наадамд Дүрвэгсдийн баг анх удаа оролцсон бөгөөд Токио-2020 наадамд өрсөлдөх тэдний бүрэлдэхүүн эцэслэн тодроогүй байна.
53. Рио-2016 Олимпийн наадмын хөлбөмбөгийн тэмцээний үеэр Неймар хамгийн хурдан гоолын эзэн болсон бөгөөд Бразил – Гондурасын хагас шигшээ тоглолт эхэлмэгц 14 секундэд айлын хаалганд бөмбөг оруулж, шинэ рекорд тогтоосон юм.
54. Эрэгтэйчүүдийн 1,500 м-ийн гүйлтийн 3.26.00 секунд дээд амжилтыг Марокко улсын тамирчин Хишам Эль-Геррүж 1998 онд тогтоожээ.
55. Олимпийн наадамд анх удаа скейтбоүрдийн төрөл багтаж, гудамжны бa паркийн гэсэн 2 ангилалд аваргаа тодруулна.
56. Ширээний теннисийг анх “пинг понг”, “вифф вафф”, “ флим флам” хэмээн олон янзаар нэрлэдэг байжээ.
57. Сербийн теннисчин Новак Жоковичийн спортын замналд дутагдаж буй ганц цол хэргэм нь олимпийн аварга юм. Тэрбээр Бээжин-2008 олимпийн наадамд хамгийн өндөр амжилтаа үзүүлж, хүрэл медаль дээр буужээ.
58. Тэртээх Афин-1896 орчин үеийн анхны олимпийн хөтөлбөрт багтсан есөн спорт болох хөнгөн атлетик, дугуй, туялзуур сэлэм, гимнастик, хүндийг өргөлт, чөлөөт бөх, усанд сэлэлт, теннис, буудлага нь Токио- 2020 наадмын хөтөлбөрт албан ёсоор багтжээ.
59. Эмэгтэйчүүдийн гурвын харайлтын дээд амжилт 15.50 м бөгөөд Украины тамирчин Инесса Кравец 1995 онд тогтоожээ.
60. Токио-2020 Олимпийн наадмыг зохион байгуулах хорооны Ерөнхийлөгч Хашимото Сейко нь өвөл , зуны нийт 7 олимпийн наадамд гүйлтийн тэшүүр, дугуйн налуу тойргийн уралдаанд тус тус оролцож байжээ.
61. Токио-2020 наадмын онцлох тэмдэг нь “ Олон талт онцлог ялгаатай байдлын нэгдэл нягтрал ” гэсэн утгыг илэрхийлдэг бөгөөд тус наадмын үеэр дэлхий дахины онцлог ялгаатай, олон талт хэвшилт байдлыг нэгэн дээвэр дор нэгтгэх гэсэн үзэл санааг түгээх чин хүсэл эрмэлзэлтэй.
62. Токио-2020 олимпийн наадамд гудамж талбайд хичээллэх бүрэн боломжтой 3 спортын авсаархан төрлийг шинээр нэмсэн нь дугуйн BMX чөлөөт үзүүлбэр, скейтбоүрд, 3х3 сагсан бөмбөг юм.
63. Олимпийн түүхэнд анх удаа спортын төрлүүдийн пиктограм дүрслэлийг хөдөлгөөнт хэлбэрт оруулжээ.
64. Барселона-1992 олимпийн наадмаас эхлэн хөлбөмбөгийн төрөлд 23-аас доош насны тамирчдыг оролцуулах, гэхдээ нэг багт 23-аас дээш насны мэргэжлийн гурван хөлбөмбөгч мэдүүлэхийг зөвшөөрдөг болсон юм. Гэвч Токио-2020 олимпийн наадам нэг жилээр хойшилсонтой холбогдож, энэ олимпийн насны хязгаарыг 24 болгож өөрчилсөн байна.
65. Олимпийн 4 удаагийн аварга, АНУ-ын Саймон Байлес нь гимнастикийн түүхэнд хамгийн олон медальт тамирчин юм. Тэрбээр олимпоос гадна ДАШТ-ээс 19 алтан медаль хүртжээ.
66. Афин-2004 наадмаас хойш Ямайкийн домогт ойрын зайн гүйгч Усайн Болтгүй анхны Олимп болно.
67. Токио гэдэг үг нь япон хэл дээр “Зүүн нутгийн нийслэл” гэсэн утгатай.
68. Жүдо бөхийн төрлөөр Япон улс Олимпийн наадамд хамгийн өндөр амжилт үзүүлсэн. 1964 онд жүдо бөх олимпийн төрөлд багтсанаас хойш Наран улсын үе үеийн жүдочид 36 алт, 18 мөнгө, 18 хүрэл медаль. нийт 72 медаль хүртжээ.
69. Токио усан спортын төв нь шинээр баригдсан 8 спортын ордны хамгийн “отгон” нь бөгөөд 2020 оны 02 дугаар сард ашиглалтад оржээ
70. Байт харвааны төрөлд тамирчин болон бай хоорондын зай нь 70 м байдаг.
71. Токио-2020 олимпийн наадмын хөтөлбөрт 5 шинэ төрөл багтсаны нэг нь спорт авиралт юм. Уг спорт нь хадны, хурдны, техникийн гэсэн гурван төрөлтөөс бүрдэнэ.
73. Тамирчдын тосгонд 26,000 ширхэг ор засна. Олимп болон Паралимпийн түүхэнд анх удаа бараг бүх орыг сэргээгдэх түүхий эдээр бүтээжээ.
73. Арван хоёр настай Сирийн тамирчин Хенд Заза ширээний теннисний төрлөөр өнгөрөгч оны 3 дугаар сард 11 настайдаа олимпийн эрхийн бичгээ өвөртөлжээ. Тэрбээр Токио-2020 Олимпийн наадмын хамгийн залуу тамирчнаар тодорно.
74. Дугуйн уралдааны зам нь маш олон өгсүүр уруу бүхий маршрут тогтоосноороо онцлог хүндрэлтэй. Эмэгтэйчүүдийн уралдааны замын өндрийн дээд түвшин нь 2,692 м бол эрэгтэй төрөлд 4,865 м байна.
75. Токио хот анх Эдо нэртэй байжээ. 1868 онд Япон улсын нийслэлээр өргөмжилснөөр Токио хот гэж албан ёсоор нэрлэсэн байна.
76. Япон улсын уламжлалт дэн буудлыг Рёокан гэдэг бөгөөд зочид буудлын тав тух болон үндэсний хэв шинжийг хослуулснаараа онцлогтой.
77. Токио-2020 олимпийн наадмын теннисний төрөл “Ариаке теннис парк” цогцолборт болно. Энэ цогцолборт эрэгтэй ATP холбоо ба эмэгтэй WTA холбооны цуврал тэмцээн зохион байгуулагддаг юм.
78. Япон улс анх 1912 онд Олимпийн наадамд оролцжээ. Ойрын зайн гүйгч Мишима Яхико, холын зайн марафонч Канагүри Шизо нар улсынхаа анхны олимпийн түүхийг бичилцсэн байна.
79. Токио-2020 Олимпийн наадмын эхний тэмцээн 7 дугаар сарын 21-ний өглөө 9:00 цагт софтболын төрлөөр Австрали-Японы багийн хооронд эхлэх юм.
80. “Хувийн амжилтаа оргилд нь хүргэх”, “Нэг нэгнээ хүлээн зөвшөөрөх”, “Ирээдүйн түүхээ бүтээх алхам” уриа нь Токио-2020 Олимпийн наадмын тулгын гурван үзэл санаа юм.
81. Каноэ завины уулын уруу буух уралдааны усан замыг Япон улсад анх удаа гар ажиллагаагаар байгуулсан бөгөөд байгууламжийг Касай Ринкай парктай зэргэлдээ байрлуулжээ.
82. Интоорын цэцэг сакура нь Япон улсын үндэсний билэг тэмдэг мөн.
83. Японы үндэсний спортын төрөл карате нь Окинава мужаас гаралтай.
84. Токио хотын Шибүяа дөрвөн замын уулзвар нь дэлхийн хамгийн их ачаалалтай уулзварт тооцогддог
85. Япон улсын экспортод жинтэй нөлөө үзүүлдэг шар буурцгийн цуу нь Вакаяама мужаас гаралтай.
86. Олимпийн медаль гардуулах сүүлчийн ёслол 8 дугаар сарын 08-ны өдрийн 16:30 цагаас эхлэх эрэгтэйчүүдийн усан бөмбөгийн шигшээ тоглолтын дараа болно.
87. Орчин үеийн олимпийн жүдо бөхийг Хёого мужийн уугуул доктор Жигоро Кано үндэслэжээ.
88. Япон улс нь 1964 онд анх удаа Олимпийн наадам зохион байгуулж, талбайн эзэд нийт 29 медаль хүртсэний 16 нь алтан медаль байжээ.
89. Олимпийн бамбарт буухиа 3 дугаар сарын 25-наас эхлэн Япон улсыг тойрон аялж буй бөгөөд FIFA-2011 эмэгтэйчүүдийн хөлбөмбөгийн дэлхийн аварга, Японы Надешико хөлбөмбөгийн эмэгтэй шигшээ багийн тоглогчид галт бамбарыг залжээ.
90. Токио-2020 Олимпийн наадамд 11,000 гаруй тамирчид оролцох төлөвтэй байна.
91. Токио-2020 наадамд оролцогчдын 48% нь эмэгтэй тамирчдаар бүрдсэнээр түүхэндээ анх удаа хүйсийн тэгш тэнцвэрийг хамгийн өндөр үзүүлэлтэд хүргэсэн олимпоор тодорлоо.
92. Япон улсын ерөнхий сайд асан Шинзо Абэ нь Рио-2016 Олимпийн наадмын үеэр Супер Мариогийн өмсгөлтэй гарч Токио-2020 олимпийн наадмыг зарлажээ.
93. Ойролцоогоор 80,000 орчим буддын шашны сүм хийд Япон улсын нутаг дэвсгэрт тархан байрладаг ажээ.
94. Япон улсын анхны алтан медалийг эрэгтэйчүүдийн гурвын харайлтын тамирчин Ода Микио нь Амстердам-1928 Олимпийн наадмаас хүртсэн түүхтэй.
95. 2021 оны долдугаар сард Токио хот нь Олимпийн наадмын бамбарыг асааснаар зун ба өвлийн олимпийг хоёр дахь удаагаа хүлээн авсан дэлхийн 11 дэх хотын зиндаанд хүрэв.
96. Олимпийн марафоны дээд амжилтыг хамгийн удаан эзэмшсэн АНУ-ын марафонч Томас Хикс нь Сент-Луис-1900 наадмын марафон гүйлтээр 3 цаг 28 минут 53 секундэд нийт замаа туулжээ.
97. Токио-1964 Олимпийн наадамд сүүлчийн удаа гүйлтийн шороон хучилттай зам ашиглажээ. Үүнээс хойш Мехико-1968 Олимпийн наадмаас эхлэн гүйлтийн замыг синтетик эдээр хийх болжээ.
98. Япон улсаас эмэгтэй төрөлд анхны алтан медалийг усанд сэлэлтийн тамирчин Маэхата Хидеко нь Берлин-1936 Олимпийн наадмаас 200м-ийн өврөөр даллах төрлөөр хүртэж байв.
99. Эмэгтэйчүүдийн хөнгөн атлетикийн долоон төрөлтийн дэлхийн дээд амжилт нь 7291 оноо бөгөөд түүнийг 1988 онд Америкийн Жеки Жойнер-Керси тогтоож байв.
100. Хэрвээ АНУ-ын сагсан бөмбөгийн супер од Леброн Жеймс нь Токио-2020 наадамд оролцвол түүний хувьд дөрөв дэх Олимп болох юм. Тэрбээр өмнө нь Афин-2004 (хүрэл), Бээжин-2008 (алт), Лондон-2012 (алт) олимпод тоглож байлаа.