Монголын загварын акулуудын нэг, топ модель, мөнхийн рашаан ус үзэсгэлэнтэй эмэгтэй Д.Болормааг аль хэдийнэ 50 гарсан гэхэд итгэмгүй. Насаараа шахуу урт үстэй явсан тэрбээр анх удаа үсээ тайрсан нь онцгой анхаарал татав. Тайрмал үс нь түүнийг илүү цог золбоолог, эрч хүчтэй, залуу, дайчин харагдуулах аж. Шавь нартайгаа үеийн найз нь мэт нөхөрлөж, залуу хүмүүстэй ойр ажилладаг болоод ч тэр үү манай топ хэзээд мөнхийн ус уусан мэт байдаг нь гайхалтай. Энэ оны нэгдүгээр сарын 30-нд 52 насныхаа төрсөн өдрийг нижгэр тэмдэглэсэн топ он гараад 53 настайгаа золгох нь. Гэсэн ч хаанаас нь ийм эрч хүч ундардаг байна аа гэмээр байдаг юм. Топ манай сэтгүүлд өгсөн нэгэн ярилцлагадаа үргэлж дээшээ харж унтдаг, хажуугаараа харж унтвал нүүр унжих магадлалтай учраас мурийж тахийхгүй, яг л дээшээ хараад шулуун унтдаг гэж байсан. Тиймдээ ч Д.Болормаа өдийд 50-тай мөртлөө 30-тай мэт гунхаж явдаг биз.
