Төр засаг бүх шатанд хэмнэлтийн горимд шилжинэ хэмээн зарлаж байгаа ч шилжих хүсэлгүй болох нь батлагдсаар байна. Тэр тусмаа залардаг ордон, хөлөглөдөг унаанаасаа мөнгө хасах огтхон ч бодолгүй аж. Үүний нэг жишээ нь Төв аймагт зарлагдсан тендер юм. Аймгийн нутгийн удирдлагын ордон буюу Засаг дарга, ИТХ-ын дарга нар залардаг “өргөө”-ний засварт гурван тэрбум төгрөг зарцуулахаар тендер зарлажээ. Уг нь тэвчиж болох зардлын нэг мөнөөс мөн. Гэсэн ч “тэвчиж чадахгүй л байна. Хотын ойрхон байдаг аймгийн хувьд дарга нарт нь хотод сүндэрлэсээр байгаа яам тамгын газруудын өндөр шилэн харшууд хорхойг нь хүргэдэг бололтой. Нутгийн удирдлагын ордоны тендер цуцлагдахгүй нь мэдээж. Гурван тэрбум төгрөг бол маш их мөнгө юм. Удахгүй Төв аймаг хамгийн тансаг ордонтой аймгаар тодрох биз…
