Манайхан хэдэн салбарын сайдуудаа хольж хутган мэдэх, мэдэхгүйтэй байдаг улс яамдын Төрийн нарийн бичгийн дарга нарын нэр ус, царай зүсийг нь ялгаж салгаж, танина гэдэг ч юу л бол. Харин БСШУСЯ-ны Төрийн нарийн бичгийн дарга С.Баярсайханыг бол хаана ч явсан танидаг болсон нь гарцаагүй.Сайн муугаар хэвлэлээр баахан ”гөвүүлсэн” ч С.Баярсайхан хаана ч, хэзээ ч тааралдсан бусадтай мэнд устай, эелдэгхэнээр инээмсэглөн мэндчилдэг нь хичнээн сайхан гээ. Харин энэ удаа тэрбээр нөхөртэйгээ их ажлын хажуугаар түргэн болзоонд явж байх нь тэр. Боловсрол, соёлын үйл ажиллагаатай холбоотой уулзалт хурал семинар, ой, хүлээн авалт болгон дээр л яамаа төлөөлж явдаг Б.Баярсайхан хатагтай МАН-ын эмэгтэй чадварлаг боловсон хүчнүүдийн нэг нь мөнөөсөө мөн.
