УИХ-ын сонгуульд бие даан нэр дэвшиж байсан Э.Болорчулуун “Улс төр, ураг садангүй тогтвортой төрийн албаны төлөө шинэ сонголт хийцгээе” хэмээн уриа лоозон барьж явсан цаг саяхан. Тэгтэл түүний ойрын төрөл садан нь Т.Бадамжунай төдийгүй төрийн албаар дамжуулан газрын наймаанд гаршуулах ажлыг хийж байсан. Тодруулбал Т.Бадамжунайг хүчтэй нууц ноёнтон байх үед Э.Болорчулуун СХД-ийн Газрын албаны дарга байсан. Энэ үедээ асуудалд орж албанаас нь чөлөөлөх гэхэд тамгаа өгөхгүй хэмээн луу унжин зугтааж байсан. Хэдэн өдөр тамгаа авч зугтсаны эцэст арайхийн өгсөн тэрбээр хэсэг хугацааны дараа Нийслэлийн газрын албаны дарга болон дэвшсэн нь Монгол төрийн завхарлыг харуулсан. Мэдээж тэр үед МАН-ын нууц ноёнтон Т.Бадамжунай хүчтэй байсан. Тэгвэл ахынхаа халаасанд хамаг ажлыг нь амжуулдаг байсан Э.Болорчулууныг давхар шалгар хэрэгтэй юм биш үү. Мөн ч их газрын наймаа, мөнгөний асуудал босно доо.
