Ардын жүжигчин Н.Сувд гуайн том хүү Т.Бат-Оргил хорь гаруй жил ханилсан хоёр хүүгийнхээ ээжээс туурга тусгаарлаж, шинэ амьдрал зохиож байлаа. Тэрбээр 40 гарсан хойноо учирсан бүсгүйтэйгээ оровч гаравч хамтдаа явж, олны нүдийг хужирлаж эхэлсэн. Харин тэд хэдэн жил амьдарсны эцэст өрх тусгаарласан юм.
Т.Бат-Оргилын гэр бүлээ орхин байж сонгосон бүсгүйг Д.Нандинцэцэг гэдэг. БНХАУ-д хуулийн чиглэлээр боловсрол эзэмшсэн “Дачин лоу” хуулийн фирмийн салбарыг Монголд оруулж ирсэн энэ бүсгүй дөрвөлжин Бенз хөлөглөн, хөлөөсөө толгой хүртэл брэндээр хучин олон нийтийн арга хэмжээ алгасахгүй оролцдог нийгмийн идэвхтэй. 40-өөд насандаа гунхаж яваа бийлэгжүү бүсгүй Т.Бат-Оргилоос салснаас хойш арга хэмжээнд ганцаар ирдэг болсон. Ажил, гэрийн дунд л холхиж, хань ижил, үр хүүхэд гэх асуудалгүйгээс хойш энд тэндэхийн арга хэмжээг алгасаад ч яах билээ. Харин Т.Бат-Оргил ганц нэг арга хэмжээнд оролцож, мөнгөтэй төгрөгтэй гэсэн болгоны халаасны хүүхэлдэй мэт явж байгаа харагддаг. Эхнэр, хүүхэд рүүгээ олон жилийн дараа буцсан мань эр, брэндлэг бүсгүй хоёрын түүх энэ хүрээд оршвой.
