Мэдээж хэн халамцуу дүрээ хэвлэлээр гаргахыг хүсэх билээ. Тэр тусмаа коммунистаараа дуудуулан байж ажилладаг Хотын даргад тийм мэдрэмж хамгийн онцгүй биз. Хүн л юм хойно ууна чиг, согтоно чиг. Хотын дарга маань баяр наадмын бэлтгэл, үер усны аюул гээд зуныг нэлээд ачаалалтай эхлүүлсэн ч хэдэн сарын стрессээ сархадаар сайхан гаргаж, гэр дүүрэн зочинтой найрлахыг үзүүлж байсан. Цагтаа Д.Сумъяабазарын тухалдаг байсан гэрт Нямка маань ноёны суудалд улаа бутран сууж, камер тэвэрсэн сэтгүүлчдийг хүүе, хаая хэмээн хашгичиж хяргачих шахан уцаарлаж байх шиг харагдсан. Тэгэхээр Хотын дарга нэлээд халамцаж, түүнийгээ нуух гэж хичээж байсан бололтой. Хүн л юм чинь ууна шүү дээ, тэрийг бид ойлгож байна аа.
