ЭМЯ-ны хэвлэл, мэдээллийн зөвлөх Б.Ууганбаяр дараах мэдээллийг өглөө.
Тэрбээр “ЭЕШ өгөх гэж буй 17 настай хүүхдүүдийг заавал дархлаажуулалтад хамруулна гэсэн ойлголт зарим иргэдийн дунд байгаа нь ташаа юм. Боловсрол, шинжлэх ухааны яамнаас “Ямар нэг байдлаар ийм шаардлага, шахалт үзүүлээгүй” хэмээх тайлбарыг өгсөн. Эрүүл мэндийн яамны зүгээс ч мөн эл асуудлыг хөндөж тавиагүй. Одоогоор 17 настай хүүхдүүд дархлаажуулалтад хамрагдахгүй байгаа. 18 настай хүүхдүүдийг насанд хүрсэн тул дархлаажуулалтад хамрагдахыг зөвлөж байгаа. Хүүхдүүдийг албадан дархлаажуулсан зүйл байхгүй. Судалж байгаа ч 12-17 насны хүүхдүүдийг дархлаажуулах шийдвэр гараагүй байна” гэв.