Дамбын Хишгээ нэрээрээ олонд танигдсан бизнесмэн Д.Хишигжаргалын бага хүү Х.Мөнхжин “30 хүрч байж гэрлэх санал тавина” гэдэг ярилцлагаа 2020 онд өгч байсан байна. Тэр үед тэрбээр 26 настай байсан бол өдгөө гурван жилийн дараа 29 насандаа үй зайгүй үерхэх найз бүсгүйтэй болжээ. Чухамдаа гэрлэх санал тавьсан эсэхийг мэдэхгүй ч тэрбээр дурлалт бүсгүйгээ жентельмэн эрийн зангаар хаа ч халамжилж хайр сэтгэлээ илэрхийлсээр байна. Зургийг нь янз бүрээр дарж өгөх наад захын асуудал, аливаа арга хэмжээ, бүхий л зүйлдээ дагуулан гүйх тэд шинэхэн дээрээ сонихон гэдэг шиг хагацашгүй хайрын илэрхийллийг үзүүлсээр байх аж.
Х.Мөнхжин тархины саажилттай бяцхан хүүд туслах хандивын аяныг амжилттай өрнүүлж, нэгэн гэр бүлийг байранд оруулсан өгөөмөр, сайхан сэтгэлтэй нэгэн.
Тэрбээр 25 настай цэргийн албанаас ирэхдээ олон сайн сайхан зүйлийг санаачилж, хийж бүтээх хүсэл мөрөөдлөөр дүүрэн байсан. Хийсээр ч байгаа юм. Цэргийн албанд байхдаа “Морьтон цэргийн зөвлөл”-ийг байгуулж, үе тэнгийн найз нөхдөө зөв зүйлд уриалж байсан билээ.
