Б.Идэр-Одын найз бүсгүйтэйгээ дасгал хийж буй зураг нийгмийн сүлжээнд тавигдсан даруйдаа олны бухимдлыг хүргээд байгаа билээ. Эр хүний сүлд хийморь доройтно, эмэгтэй хүн эр хүний мөр, толгой дээр сууж болохгүй, үл хүндэлж байна хэрэг гэх мэтээр нийтээрээ дайрч давшлав. Мэдээж юмны учир ойлгодог хэсэг масс хосуудыг хамтдаа дасгал хийж, найз бүсгүйгээ хайрлаж, хүндэлж байна хэмээн өмөөрөөд авсан.
“Та нар хаанаас төрдөг гэдгээ мартчихдаг юм уу?, “Бага байхдаа аавынхаа мөрөн дээр суугаад явж л байсан. Аавын минь хийморь сүлд доройтоогүй л байна”, Эмэгтэй хүн суулгаад л сүлд хийморь нь доройтчихдог эрчүүд?” гэх мэтчилэн сошиал хэрэглэгчдийг талцуулсан томоохон маргаан болов.
Бүр Б.Идэр-Одын энэ үйлдлээр ээжрүү нь хандсан үг ч чулуудаад амжсан.
Тэгвэл Ц.Оюунгэрэл энэ асуудалд өөрийн үзэл бодлоо илэрхийлсэн байна. Тэрбээр “За хүмүүс надаас албан ёсны байр суурь их асууж байнаа. Заа би хариулья аа: Дасгал хийж байгаа хүмүүс биш юм уу” хэмээн хошигножээ.
