Ерөнхийлөгчийн сонгуульд нэр дэвшигчид өнгөрсөн амралтын өдрүүдэд тодорхой болсон.
Үүнтэй холбоотойгоор Монгол HD телевиз цахим хуудсаараа дамжуулан У.Хүрэлсүх болон Д.Энхбатыг оролцуулан санал асуулга явуулж удалгүй устгасан юм. Хэдий санал асуулгыг устгасан ч гэсэн хэргийг ШӨХТГ-аас бүртгэн шалгаж байгаа аж. Хэрэв “хууль зөрчсөн нь тогтоогдвол торгуулийн арга хэмжээ авна” гэдгийг мэдээллээ.
Монгол Улсын Ерөнхийлөгчийн сонгуулийн тухай хуулийн хэрэгжилтийг ШӨХТГ хянан ажиллаж байгаа. Тус хуулийг зөрчин ХАРИЛЦАА ХОЛБОО болон ХЭВЛЭЛ МЭДЭЭЛЛИЙН ХЭРЭГСЭЛ, ЦАХИМ ОРЧИН ашиглан улс төрийн чансаа тогтоох зорилго бүхий аливаа хэлбэрийн шалгаруулалт, санал асуулга зохион байгуулсан, нийтэлсэн ХУВЬ ХҮНИЙГ Зөрчлийн тухай хуулийн дагуу 20,000,000 төгрөг, ХУУЛИЙН ЭТГЭЭДИЙГ 200,000,000 төгрөгөөр торгохоо мэдэгдсэн.