Загварын ертөнцөд авьяас чадвараа гайхуулан “Гоёл” наадмын топоор шалгарч байсан О.Уянга харийн нутаг зорьж, мэргэжлээ дээшлүүлээд ирсэн цаг саяхан. Миссийн тэмцээн, загварын томоохон наадамд амжилттай оролцсон модель бүсгүй олон улсын сэтгүүлч мэргэжлээр төгссөн бөгөөд “Шилмэл загвар” компанийн хэвлэл мэдээлэл, маркетингийн албанд ажиллаж эхэлсэн билээ.
Эгэл залуутай амьдралаа холбож, хоёр ихэр хөөрхөн охид төрүүлж өгсөн тэрбээр эх орондоо суурьшиж, хааяа ганц нэг шоу арга хэмжээнд орсоор явна. Заримдаа мэдээж үзэгчийн суудалд тухална. Даруухан үзэсгэлэнтэй модель бүсгүй энэ удаа үзэгчээр ирээд бидэнтэй таарав.
