Гавьяат тамирчин С.Төгсцогтоос салж, бяцхан хүүгээ ганцаараа өсгөхөөр сэтгэл шулуудсан Д.Уранзаяаг хүмүүс “Киви” хамтлагийн ахлагч Д.Уламбаярын дүү гэдгээр нь сайн мэддэг. Харин өдгөө тэрбээр экс нөхөр, эгчийнхээ сүүдрээс холдож, өөрийнхөө карьерыг бүтээж явна. Телевизийн салбарт хүч үзэж, “Mongol HD” телевизийн харьяа “Volume plus” телевизийн захирлаар томилогдсон түүнийг хамтран зүтгэгчид нь “Толгойлогч” хэмээн хочилдог юм билээ.
Д.Уранзаяагийн хувьд фитнесээр идэвхтэй хичээллэж, мэргэжлийн тамирчидтай эн зэрэгцэн тэмцээн, уралдаанд оролцож, өөрийгөө хөгжүүлэхээ мартаагүй. Тэгвэл завгүй бүсгүй өдөр тутамдаа гурван цүнх авч явдаг гэсэн шүү. Дасгалын хувцсаа хийх цүнхнээс гадна ажлын онцлогоос шалтгаалан дэвтэр бал мэт хийдэг нэг цүнх, өсгийтэй гутлан дээр үүрэх ганц утас багтах хэмжээний жижиг цүнх гээд гурвын гурван цүнхийг байнга авч явдаг гэсэн. Магадгүй ажил, бэлтгэлийн дараа шоудах хэрэг гарвал Д.Уранзаяа шиг бэлтгэлтэй байх хэрэгтэй шүү, уншигч бүсгүйчүүд минь.