Улсын онцгой комиссын хуралдаанаар Өмнөговь болон Дорноговь аймаг руу зорчих иргэдийн хөдөлгөөнийг өчигдөр буюу зургаадугаар сарын 15-ны 06:00 цагаас эхлэн зургаадугаар сарын 30-ны өдөр хүртэлх хугацаанд хязгаарлалт тогтоолоо.
Төрийн байгууллагын албан томилолтоор зорчих иргэдийн зөвшөөрлийг УОК-ын Шуурхай штабаас, бусад шаардлагаар зорчих иргэдийн зөвшөөрлийг ямар ч тохиолдолд коронавируст халдварын шинжилгээний сөрөг хариунд үндэслэн тухайн аймгийн Онцгой комиссоос олгох шийдвэрийг гаргалаа гэж УОК-ын Шуурхай штабаас мэдээллээ.