Жүдо бөхийн олимп, дэлхийн медальтан, гавьяат тамирчин М.Уранцэцэг анхны тулаанаа есдүгээр сарын 10-ны өдөр хийсэн. Түүний холимог тулааны замналын эхний өрсөлдөгч нь 25 настай Амбер Террель гэх америк бүсгүй байсан.
АНУ дахь “JacksonWink” холимог тулааны клубт бэлтгэлээ базаасан М.Уранцэцэг энэ удаагийн Бөртэ чоно наадамд шаргал үст Мерлин Монрогийн дүрээр айлчиллаа. Халимаг голцуу үстэй байсан түүнийг шаргал үст танхил бүсгүй болоод ирнэ чинээ хэн санах билээ. Энэ цагийн эрэлхэг бөгөөд хүчирхэг бүсгүйчүүдийн нэг бол М.Уранцэцэг мөнөөс мөн. Спортод хэр баргийн эмэгтэй амжилт гаргахад амаргүй. Харин М.Уранцэцэг жирийн бөхөөс гавьяат тамирчин, жүдо бөхөөс холимог тулаан руу үсэрсэн дайчин нэгэн юм.
