“Шунхлай” группийг үүсгэн байгуулагч П.Батсайхан ахыгаа тэнгэр болсноос хойш ерөнхийдөө “Апу” компанийг удирдаж ирсэн. Тиймдээ ч тэр үү үйлдвэрлэсэн архин дээрээ батласан буюу Аппров хийж нэрээ тамгалах болжээ. Ахыгаа бодвол ганган чаминд дуртай, хаа ч явсан гайхуулж, шуугиулахыг эрмэлздэг тэрбээр жил болгон баяр наадмаар Хүй долоон худагт нисдэг тэргээр морио дагаж түмэн олны анхаарлыг татдаг. Хүн бүхэнд өөр өөрийн имиж, хандлага гэж бий. Д.Батсайханы хандлага хэзээд ноён оргил гэдгээ мэдрүүлэхийг хүсэх эго юм. Зарим хөрөнгөтнүүд их даруухан байдаг. Тухайлбал MCS-ийн Ж.Оджаргал бол байгаа байхгүй нь мэдэгдэхгүй, аливаа арга хэмжээнд ирэхдээ ч даруухан гэгч нь хувцаслаад сэмхэн ирээд гарч одож байгаа нь харагддаг. Хөрөнгийн хувьд Монголдоо номер нэг шахуу хүн ийм даруу байхад манай П.Батсайхан бол өмссөн зүүсэн, үс гэзэгний стайлаас эхлээд од оо од. Гэхдээ нэг талын ийм имижтэй хүмүүс гоё. Харахад ч сүр бадрам. Яагаад болохгүй гэж, Монголын ард түмний хамгийн их хэрэглээтэй спиртний үйлдвэрийн эзний хувьд нэрээ архин дээр байтугай тамгална шүү дээ.
