Дуурь, Бүжгийн эрдмийн театрын балетын гоцлооч, МУГЖ Б.Саруулын зургийг харж байна. Тайзнаа л олны өмнө гарч байсан тэрбээр манай дуранд өртсөн юм. П.И.Чайковскийн “Хунт нуур” балетын цагаан, хар хун, А.Аданы “Жизель”-ийн Жизель, П.И.Чайковскийн “Шелкунчик” балетын Маша гүнж, “Нойрсож буй гүнж” балетын Аврора гүнж,А.Адан “Корсар” балетын Па-де-де, Л.Минкус “Дон Кихот” балетын Китри, Л.Минкус “Пахита” балетын Гоцлол, А.Хачатурян “Спартак” балетын Фригия, Эгина, Р.Щедрин “Кармен-сюит” балетын Кармен, Л.Делиб “Цэнхэр нүдэн бүсгүй” балетын Сванильда, Ж.Мэнд-Амарын “Үйлийн гурван толгой” балетын Нансалмаа, Э.Чойдогийн “Чойжид дагина” балетын Чойжид дагина зэрэг дэлхийн сонгодог болон үндэсний балетын жүжгүүдэд гол болон туслах дүрүүдийг мэргэжлийн өндөр түвшинд бүтээж, үзэгч түмний хайр хүндэтгэлийг хүлээсэн уран бүтээлч юм.
