Монголчуудын уламжлалт соёл түүний дотор үндэстэн ястны дээл хувцас, эд хэрэглэл, ардын урлагийн биет бус өвийг гадаад, дотоодод сурталчлан таниулах зорилго бүхий “Дээлтэй Монгол наадам” өнөөдөр жанжин Д.Сүхбаатарын талбайд амжилттай болж өндөрлөлөө.
13 дахь жилдээ зохион байгуулагдаж буй энэхүү наадмын үеэр үндэсний хувцасны коллекциудыг сонирхон, үндэсний зан заншил, уламжлал, өв соёлыг харуулсан гэр хотхон дахь наадам, монгол наадгай, дээл урлал, язгуур урлаг, хөгжим, уран бичлэгийн болон казах түмний өргөөгөөр зочлох боломжтой байсан юм. Наадмын үеэр нийслэлийн 9 дүүргийн төлөөлөл үндэсний хувцастай парад алхаснаас гадна гадны зочид гийчэд ихээр ирсэн байлаа.
