Нэгэн үе зохиолын дууны ханхүү байсан МУГЖ Жавхлан урлагтаа эргэн ирэхээр болжээ. Олон сайхан дуугаараа ард түмнийхээ хүндэтгэлийг хүлээж түүнийхээ ачаар улс төрд ч хүч сориод амжсан билээ. Ямартаа ч түүнийг хайрлаж хүндэлж, дууг нь сонсдог олон нийт урлагтаа эргэн ирж байгаад ихээхэн баяртай байгаа юм.
Түүний шинэхэн уран бүтээл нь “Андууд” хэмээх дуу гэнэ. Уг дууны шүлгийг МУСГЗ Б.Нацагдорж бичсэн бол хөгжмийг МУУГЗ Т.Сэр-Од бүтээжээ.
Тэрбээр цахим хуудсандаа: “Андууд” хэмээх шинэхэн уран бүтээлийг яруу найрагч, зохиолч МУСГЗ Б.Нацагдоржийн санаачлагаар өлгийдөн авахаар ажилласаар байна. Багштайгаа ойрын арваад жил час хийсэн уран бүтээл бараг хийгээгүй байдаг шүү! хэмээн сэтгэгдлээ илэрхийлжээ.
