Өнгөрсөн жилийн наадмаар буюу 2023 оны долоодугаар сарын 12-13-нд шилжих шөнө ММСУХ-ны анхны тэргүүн Г.Пунцагбалжир агсны хэрэглэж асан эмээл, хазаар хулгайд алдагдсан талаар түүний хүү П.Энхмөнх зарлаж байлаа.
Энэ талаар Манлай уяач П.Энхмөнх “Хүй 7 худгаас эртний 2 эмээл, хазаар, зааны ясан хөөрөг, жижиг мөнгөн аяга, Тод манлай уяачийн зэндмэнэ эрдэнийн оройтой малгай зэргээ хулгайд алдлаа. Энэ бүхнийг олж өгсөн хүнд 100 сая төгрөгийн шагнал өгье. Ааваас минь өвлөн ирсэн эмээл, хазаар хоёрыг л бүрэн бүтэн олчих юмсан. Үлдсэн нь ч дүүрч. Олж өгсөн хүнд нь бүрэн тавилгатай 2 өрөө байр авч өгье. Та бүхэн олонд түгээж өгч тус болно уу” гэж олон нийтийн сүлжээнд мэдэгдсэн. Харин олсон эсэхийг мэдэхгүй ч тэрбээр баяр наадмын бэлтгэлдээ хэдийнэ оржээ.
