Монгол Улсад коронавируст халдварын өдөрт илрэх тохиолдлын тоо огцом нэмэгдэж, эмнэлгүүд ачааллаа дийлэхээ болиод байгаа билээ. Сүүлийн өдрүүдэд манай улс нас баралт, тохиолдлын тоогоороо дэлхийд дээгүүр бичигдэж эхэлсэн бөгөөд өчигдөр коронавируст халдварын тохиолдлын тоо 2100 давж, энэ нь халдвар бүртгэгдсэнээс хойших хамгийн өндөр үзүүлэлт боллоо. Үүнтэй холбогдуулж иргэдийн дунд хөл хорио тогтоох асуудал яригдаад эхэлжээ. Тэгвэл өнөөдөр ХӨСҮТ-өөс хөл хорио тогтоох эсэх асуудлаар УОК-т санал хүргүүлэхээр бэлтгэж байгаа аж.
ХӨСҮТ-ийн эх сурвалжийн мэдээлж байгаагаар “Халдварын тоо, нас баралтын тоо буурахгүй нэмэгдэж байгаатай холбогдуулж зайлшгүй арга хэмжээ авах шаардлагатай. Бид хөл хорио тогтоох асуудлаар яг одоо зөвлөлдөж байна. Удахгүй саналаа УОК-т хүргүүлнэ” гэсэн юм.