Чинбатын Номин гэж цайрчихсан сайд байна аа. Энэ жилийн наадам түүнийх байлаа гэдэг шиг Соёлын сайдын хувиар бүхий л 100 жилтэй аймгуудаар хэсч, Ерөнхийлөгч, Ерөнхий сайдад эрхэлсэн шиг тэнэж яваа харагдсан.
У.Хүрэлсүх хүртэл Хэнтий нутгийнхаа 100 жилийн ойд Ч.Номинг дагуул аятай дагуулчихсан очсон. Дараа нь Говь-Алтайд очиж баахан компьютер хувиасаа өгсөн хэмээн шоудсан. Салбарынхнаа үнэлж хүндэлдэггүй, ажилчдаа зарц мэт загнаж аашилдаг, аав нь гэгээн цагаан өдөр хүн дайрч алах гэж чичирдэг ийм увайгүй хүмүүсийг Монгол Улсын төр оройдоо залчихаад тавихгүй яваа нь харамсалтай. Тээр нэг жил Н.Номтойбаяр У.Хүрэлсүхэд чемоданаар нь мөнгө аваачиж өгч байж намдаа хөөгдөлгүй үлдсэн гэдэг шиг Ч.Номин ч Ерөнхийлөгчийн учрыг олж, мөнгөөр хахиулдсан юм болов уу. Ямартай ч төрөөс зайлах ёстой сайдаа Ерөнхийлөгч нь нэр хүндийг нь өсгөчих санаатай хажуудаа уяатай мэт авч явж, ард түмний өмнө хайцаалж, хамгаалж буйгаа үйлдлээрээ харуулсаар байна. Угтаа бол ийм шившигийн үйлдэл гаргасан эцэг эхээсээ ичээд аль хэдийнэ суудлаа өгөөд зайлах ёстой хүн нь Ч.Номин. Мөн Сэлэнгийн улаан “Чинбат”-ын охин Ч.Ундрам ч төр, түмнээс ичих ёстой. Ичсэндээ эргэж харахгүй зайлах ёстой. Гэтэл Чинбат овогтонгууд ийнхүү улаан цагаандаа гарч, Монголын ард түмнийг доромжилсоор сандал суудалтайгаа зууралдсаар байгаа нь харамсалтай.
