Бие давхар болсон, “цодгор” хөөрхөн гэдэстэй жүжигчин Б.Мишээл анх удаа People сэтгүүлийн дуранд өртлөө. НИТХ-ын төлөөлөгч Д.Ихбаяртай дэр нэгтгэж, хэдэн жилийг ардаа үдсэн тэд залуу хосын жамаар бяцхан үрээ өлгийдөж авахаар тэсэн ядан хүлээж байна.
“Нийслэл хүүхэн” уран сайхны кинонд тоглож, чамгүй туршлагатай жүжигчин болсноо харуулсан Б.Мишээл саяхны өдөр нөхөр, хүүгийн хамт мод тарьж яваад манай дуранд багтсан юм. Хоёр дахь амьдралдаа хөл тавьсан ч хүүдээ үргэлж сайн ээж байхыг хичээж байгаа тэрбээр ийнхүү удахгүй нялх үрээ өлгийдөн авах нь ээ. Д.Ихбаяр ч Б.Мишээлийн хүүд элгэмсэг, тэд тун давгүй гэр бүл болох нь хэнд ч харагдана лээ шүү.
