“Hero энтертайнмент” студийн үүсгэн байгуулагч, “Монгол тулгатны 100 эрхэм” нэвтрүүлгийн найруулагч Б.Баатар, ЗГХЭГ-ын дарга Г.Оюун-Эрдэнэ нарыг эцэг нэгтэй ах дүүс гэдгийг манайхан эчнээ мэддэг болсон. Тэгвэл өнгөрсөн хоёрдугаар сард Б.Баатар гэнэт л өөрийн цахим хуудаснаа “Энэ хэдэн хүүхдүүд наадам найруулаад өгье гээд жилийн жилд санал тавих юм. Зарим жил таньдаг санаа наадам дээр амилах жишээний. Адилхан сэтгэж болно л доо. Ноёд таалбал гоё нээлт үзүүлье” гэж бичсэн нь хэн хүний хараанд өртсөн. Учир нь түүний төрсөн дүү Л.Оюун-Эрдэнэ ЗГХЭГ-ын дарга буюу Засгийн газрын гал тогоог барихтай зэрэгцэн Б.Баатар саналаа ил тодоор илэрхийлэн “попрох” шалтгаан юу байв. Угаас төрийн өндөрлөгүүдийн таалалд нийцэж, хорыг нь найруулдаг гэх нэр зүүгээд амжсан Б.Баатар сэтгэгдлээ илэрхийлсэн илэрхийлээгүй энэ жилийн наадмын нээлтийг найруулна гэж харж байсан хүн олон болов уу. Гэхдээ тэр энэ жилийн наадмын нээлтийг найруулахгүй гэдэг нь нэгэнт тодорхой болсон. Юутай ч цус нэгтэй, зүс ижилхэн ах дүү хоёрын ийм нэгэн патиар манай дуранд буужээ.
