Улаанбаатар хотод өнөөдөр суурин 49, явуулын есөн цэгт иргэдэд коронавирусийн эсрэг вакцин хийнэ.
Эдгээр цэгт 742 эмч, ажилтан ажиллаж, нийт 30,671 иргэнийг дархлаажуулахаар төлөвлөсөн байна.
Өчигдөр нийслэл хотод 6,213 хүн коронавирусийн эсрэг вакцин хийлгэжээ. Тэдний 4,619 нь вакцины I тун, 1,594 нь II тунгаа хийлгэсэн аж. Ингэснээр дархлаажуулалт эхэлснээс хойш нийслэлийн насанд хүрсэн хүн амын 77.2 хувь буюу 882,900 нь I 42.5 хувь буюу 486,291 нь II тунд хамрагдлаа хэмээн НЗДТГ-ын Хэвлэл мэдээлэлтэй харилцах хэлтсээс мэдээллээ.