Ковид19 цар тахал Монголд илэрснээс хойш хоёр жилийн хугацаанд эрүүл мэндийн салбарынхан голлох ачааллыг нуруун дээрээ үүрч, дархлаа суларч халдвар авах эрсдэл нэмэгдсээр байна.
ЭМЯ-ны 11 цагийн мэдээллийг танилцуулах үеэр хэвлэлийн төлөөлөгч Б.Ууганбаяр “Өнөөдрийн байдлаар 400 гаруй эмч, эмнэлгийн ажилтан Covid-19 халдвараар өвчилсөн. Тэдгээр алба хаагчдын зарим нь эдгэрсэн хэдий ч биеийн байдал нь хүнд байгаа олон хүн байна. Иймд иргэд та бүхэн халдвараас урьдчилан сэргийлж хөл хорионы дэглэмийг сайтар баримтлах хэрэгтэй.
Халдварын тархалт нэмэгдэж байгаа энэ үед нэмэлтээр ор гаргах боломжтой ч эмнэлгийн байгууллагын хүний нөөц дутагдалд орох эрсдэлтэй байна” гэдгийг онцолсон юм.
Түүнчлэн хөл хорионы үед халдвар нэмэгдсээр байгаа нь хөл хорио тогтоохоос өмнө халдвар авсан хүмүүсийн ойр дотныхон, хавьтал болсон хүмүүсээс илэрч байгаатай холбон тайлбарлаад хөл хөл хорио тогтоосны үр дүнд ирэх өдрүүдэд илүү тодорхой болно гэдгийг анхаарууллаа.