Аавынхаа үргэлжлэл болж яваа Ш.Энхийн-Од NBA-ийн тамирчин болох мөрөөдөлдөө улам ойртсоор байгаа билээ. Монгол Улсын гавьяат тамирчин Ц.Шаравжамцын хүү тэрбээр АНУ-ын оюутны сагсан бөмбөгийн дээд лигт нь тоглодог “Дэйтон”-ы их сургуулийн багт тоглож буй.
Ингэснээр Америкийн оюутны спортын холбоо (NCAA)-ны дээд лигт урилгаар тоглосон Монголын анхны тамирчин болсон юм.
АНУ-ын Коллежийн сагсан бөмбөгийн тухай мэдээллийг голчлон хүргэдэг алдарт “Slam” сэтгүүл Коллежийн шилдэг 100 тоглогчийг тодруулжээ. Тэдний нэгт “Дэйтон” их сургуулийн багт тоглож буй Ш.Энхийн-Од багтав.
