Ерөнхий сайд асан Н.Алтанхуягийн гэргий Х.Сэлэнгэ нэгэнтээ төрийн гурван өндөрлөгийн ар талыг дааж, гадаадад улс орны маань нүүр царай болж явсан эмэгтэй. 2000 оны эхээр Н.Алтанхуяг сайд асан авааль гэргий Ганчимэг, гурван хүүхдээсээ туурга тусгаарлаж, Ардчилсан намын аппаратын ажилтан Х.Сэлэнгэтэй хоёр дахь амьдралаа эхлүүлсэн гэдгийг хэн хүнгүй мэднэ. Х.Сэлэнгээгийн нөхөр нь бусад залуусын жишгээр Солонгос улсад ажиллан, амьдрал ахуйгаа дээшүүлэхээр явсан гэлцэх нь бий. Хэдэн жил тусдаа байсан хосууд бие холдвол сэтгэл холдоно гэгчээр хоёр тийш болж, энэ үеэр нас 30 гарч яваа Х.Сэлэнгэ АН-ын нөлөө бүхий улстөрч Н.Алтанхуягтай танилцан дотноссон гэсэн үнэн худал нь мэдэгдэхгүй бор шувуу нисэх нь бий. Анхны нөхрөөсөө нэг охинтой Х.Сэлэнгээг учир мэдэх нэг нь сохорсон биш завшсан сонголт хийсэн гэх бөгөөд энэ нь ч үнэний ортой. Сайн ханьтай эмэгтэйн зүс гэрэлтдэг гэдэг шиг папарацичидын дуранд хавьд өртөөгүй Х.Сэлэнгэ хатагтай энэ өдөр гялалзаж яваа харагдана лээ.
