Т.Бадамжунай саатуулагдснаасаа хойш хэд хэдэн удаа мэдүүлэг өгсөн байна. Уг мэдүүлгэд үндэслэн, 2-3 хүнээс мэдүүлэг авч эхэлжээ.
Түүнийг тойрсон хэргүүдийн хүрээнд 18-20 хүнээс мэдүүлэг авч, яллагдагчаар татах боломжтой гэж хөшигний ард хуулийнхан тооцоолсон аж.
Анхнаасаа түүнийг монголд “Шувуу” ажиллагааны хүрээнд хамгийн түрүүнд авчирсан зорилго нь мэдээллийн хамгийн том эх сурвалж гэж үзсэнтэй холбоотой. Өөрөөр хэлбэл, хууль хяналтынхны логикийг нь ойлгож, “үнэрлэчихээд” байгаа мөртөө батлах иш үндэс олохгүй байгаа хэргүүд дээр Т.Бадамжунай тодорхой чиглэл, мөр зааж өгөх боломжтой юм.