“Доодохдоо захирагддаг”, эмэгтэйчүүдийг зүгээр л хүчиндээд, хүчиндэхийг завдаад явчихдаг гэхээр аймаар санагдахгүй байна уу. Ийм хүнд хэн итгэх билээ. Ёстой л ханилсан хань нь л итгэсэндээ, хайрласандаа өнөөдрийг хүртэл тэсч яваа биз гэж бодогдмоор.
“Бандааш” нэр авталаа нэр хүндээ алдсан Д.Гантулга 2017 оны зургадугаар сард 25 настай эмэгтэйг хүчиндсэн хэрэгт холбогдон, УИХ-ын гишүүний бүрэн эрхээс татгалзах хүсэлтээ гаргасан бол гандан буурахгүй, хашрахгүй гэдэг шиг 2018 оны арваннэгдүгээр сарын 27-нд өөр нэгэн эмэгтэй Д.Гантулгыг өөрийг нь хүчирхийлэхийг завдсан хэмээн хуулийн байгууллагад хандсан байдаг. Энэхүү хэргээр тэрбээр хоёр жилийн ял авч байсан. Харин сүүлийн үед түүнийг МЗХ-гоор гүйдэлтэй болсон, уг холбооны өмнөх дарга Гэрэлт-Одыг худалдан авсан гэх ярианд орж байлаа. Тэгвэл тэрбээр наадмаар Хүй долоон худагт эхнэр, хүүхдүүдээ дагуулчихсан хээвнэг Чингэлтэй дүүргийн МАН-ын хорооны гэр, ер нь Нийслэлийн дүүргүүдийн гэрүүдээр зочилж яваа харагдсан. Ял аваад ч улс төрөөс, МАН-аас салахгүй гэж шийдсэн Д.Гантулгад дахин хэн итгэх билээ. Өөрөө улс төрд голлон тоглохгүй ч арын алба, хөшигний ард гүйнэ гэсэн бодол байдаг бололтой. Ийм нөхдөөсөө салж чадахгүй бол МАН-ын нэр хүнд улам л унасаар байх буй заа.
