Эсгий хийх газар нохой хэрэггүй гэгчээр Монгол төрийн наадмаар Стивэн Сигалын гэргий Б.Эрдэнэтуяа Төрийн өндөрлөгүүд, зочидтой VIP хаалгаар П.Анужин гишүүнтэй орж гарч тухалж байгаа харагдав. Үгүй ээ, яахав уг нь болохгүй гэх газаргүй болно л доо. Гэхдээ эр хайж яваа жаахан охид шиг эвгүй харагдсаныг нуух юун. Гишүүд наадмын нээлт, хаалтаар ихэнхидээ гэр бүлийн хамт энд ирж тухалдаг. Гэтэл П.Анужин найз бүсгүйгээ дагуулан, синглэ хүүхнүүд аятай тэнд сэлгүүцэж явсан нь Б.Эрдэнэтуяагийн хувьд эсгий хийх газар нохой хэрэггүй гэдэг шиг харагдаж байсан. Сүүлийн үед түүнийг нөхөр Стивэн Сигалаас өрх тусгаарласан, нөгөөх нь өөр залуу хүүхэнтэй болсон гэх яриа чих дэлсэх болсон. Үүнийг батлаж Б.Эрдэнэтуяа ч нутгаасаа холдохоо байж, эндээ нэг мөсөн үлдсэн нь харагддаг. Хаана л шоу цэнгээн, наргиан наадам болно тэнд гүйж явах болсон Б.Эрдэнэтуяагийн хувьд энэ жилийн наалмын нээлтэд төрийн хүмүүстэй эр хайж яваа жаахан охин шиг гэгэлзэж явсан нь утгагүй бөгөөд хэрэггүй харагдсаныг нуух юун. Холливудын том одын гэргий гэж хүндлэгдэж байсан тэр үнэ цэнээ жижигхэн зүйлээр солих хэрэг байгаа ч юм уу, үгүй ч юм уу.
