А.Туяа уг нь жүжиглэхдээ тийм ч муу биш. Хөнгөн, хошин дүрийг төвөггүй гаргадаг тэрбээр манай үзэсгэлэнтэй, сайхан эмэгтэйчүүдийн нэг. Насны хувьд залуу биш тэрбээр өдгөө бараг 40 нас шахаж буй. Тиймдээ ч нөхөрт гарч, үрийн зулай үнэрлэхийг яаралгүй л яах билээ. Ингэхдээ ийм нэгэн залуутай учир ургуулаад удаж байна. Харамсалтай нь энэ эр нь эхнэр, гурван хүүхдээ орхиод А.Туяа дээр ирсэн юм байна. Амьдрал ямар заавартайгаа ирэх биш гэгчээр алдаа оноо байлгүй л яах билээ. Хүсэхэд бас хячна ч гэдэг дээ. Бие биедээ дурласан хосууд олны хэл ам, сайн мууг сөрж л яваа биз. Мэдээж А.Туяаг л буруутгах нь олонтаа. Тэгэхдээ эмэгтэй хүн нь ганцаараа дурлаад, ганцаараа шийдээд, ганцаараа суух гэж чичрээд явдаггүй юм шүү. Энэ ч утгаараа эр, эм хоёулаа шийдсэн учраас сонголтоо хийсэн биз ээ. Нөгөө талаар салж нийлдэг нь хорвоогийн жам, хүмүүний зан. Болохгүй болоод салж, нийлэх сонголтыг хийсэн байж таарна. Ямартай ч хүмүүсийн амьдрал маньд ямар хамаа байх билээ гээд нүдэн балай чихэн дүлий явах нь заримдаа зүгээр байдаг даа. Гэхдээ болж л өгвөл салж нийлж, хүүхэд зовоохгүйн тулд эхнээсээ сонголтоо зөв хийдэг байгаасай.
