Загварын ертөнцөд “шар” хэмээх өвөрмөц тодотголтой явдаг топ модель Ч.Ундрах хоёр жилийн өмнө “Интермед” эмнэлэгт нярайлж, удам залгах хүүтэй болж гурван хүүхдийн ээж болж байлаа. МУГЖ, дуучин Ж.Алтанцэцэгийн нөхөр Г.Сүхбуянгийн дүү болох “НИК” ХК-ийн захирал Г.Гансүхтэй ханилсан тэрбээр жил дарааллан маамуулж нялх үрсээ өлгийдэн авсан ч хэзээд гялгар, гялтгар хэвээрээ байгаа биз. Топ модель болоод удалгүй анхны нөхрөөсөө салсан гэх Ч.Ундрах бараг арваад жилийн дараа дахин гэр бүлийн амьдрал зохиож, ганц охиноо дүүтэй болгосон нь энэ. Дотны найз Ч.Туяацэцэгийнхээ амраг залууг өөрийн болгож, багагүй хэл аманд өртөөд амжсан. Түүний нөхөр Ундралтай суухдаа Ч.Туяацэцэгт таван өрөө байр, “Range Rover” машин өгч гэмээ цайруулсан гэлцдэг юм билээ. Харин хоёр дахь амьдралаа зохиогоод удалгүй бөөгийн онгод сахиусаа авсан гэх топ Ч.Ундрах бэлтэй эрийн энгэр түшсэндээ ч тэр үү хэзээд гял цал явдаг топ Ч.Ундрах энэ удаа ч манераа гээсэнгүй.
