Өгсөн нь ч, авсан нь ичих хэрэгтэй. Хууль сахиулах хүчний байгууллагын ажилтнууд нь, бүр цагдаа нар нь бүлэглэн хүчингийн хэрэг үйлдээд явж байхад ЦЕГ-ын дарга, Дотоодын цэргийн командлагч, цагдаагийн хурандаа Т.Сүхболд Бригадын генерал цолоор шагнагдсан. Шагнуулсан Т.Сүхболд, шагнасан У.Хүрэлсүх ерөнхийлөгч ч үйлдлээсээ ичих хэрэгтэй. Тэд нэг нутгийнх юм гэсэн. Ерөнхийлөгч У.Хүрэлсүх, Ерөнхий сайд Л.Оюун-Эрдэнэ нар Хэнтийн хүмүүс. Дээр нь Хотын дарга Х.Нямбаатар ч Хэнтийнх. Энэ утгаараа төрийн өндөрлөгүүд хамаг л өнгөтэй өөдтэй, тэр тусмаа хууль, хяналтын байгууллагын сандал суудлыг Хэнтийнхнээр дүүргэж буй. За тэр нь ч дүүрсэн хэрэг, чухамдаа айлын нялх охидыг бүлэглэн, айлган сүрдүүлж хүчин хийсэн хэрэгтнүүд нь цагдаагийн албан хаагчид байхад ЦЕГ-ын даргыг нь шагнаад сууж байдаг шагнасан, шагнуулсан хоёр арай мэлдрэмжгүй юу. Угтаа бол Т.Сүхболд шагнуулах нь битгий хэл суудал сандлаа өгөөд, доороосоо илжирч, өмхийрсэн салбараа хянаж чадаагүйнхээ хариуцлагыг үүрээд зайлсан байх ёстой биш бил үү. Шагнасан, шагнуулсан Хэнтийн дарга нар арай мэдрэмжгүй юу.
