Царайны бяд, хоолойн бяд дуучин Д.Отгонжаргалд харамгүй заяасан. Тэр угаас урлагийн хүн байхаар янжинлхамд ивээгдсэн гэхэд болно. Тэр нэг охинтой. Охинтойгоо найз нь юм шиг дотночилж, хамгийн сайн зөвлөгч, туслагч нь байхыг хүсдэг нь ойлгомжтой.
Түүний нөхөр дуучин гэх мэргэжлийг таашаадаггүй учраас гэр бүлийн амьдралдаа цэг тавьсан тухайгаа дурссан байсныг бодоход дуучин бүсгүйд охиныг нь хайрлах, мөрөөдлийг нь хүндлэх эр хүн л дутаад байх шиг. Ганц дайчин ганцаардахгүй ээ! гэдэг шиг хүсэл мөрөөдлийг нь хүндэлдэггүй эр нөхөртэй байснаас элгэн түмнээ дуугаараа бүүвэйлж энхрий охиноороо гоён амьдрах нь түүнд юу юунаас илүү чухалж байж мэднэ. Угаас төрмөл эрх чөлөөний хэт мэдрэг, хараат бус байдлыг эрхэмлэдэг хүүхнүүд энэ цагт хүч түрэн орж буй учир гундах юун, улам гялалзаад, жавхаажаад байдаг хэрэг биздээ. Бурхан шашинд ихэд итгэдэг тэрээр өвөөгийнхөө захидагчлан хүний төлөө, бусдын төлөө залбирдаг гэнэ лээ. Залбирал тутамд нь бяцхан үрийнхээ сайн сайхан, аз жаргалыг шивнэдэг байх. Хорвоогийн ээжүүд ийм л байдаг даа.
