Хэнтий аймгийн нутаг дэвсгэрт орших бичил жоншны уурхайд өчигдөр хүн унаж амиа алджээ. Тодруулбал, тус аймгийн төвөөс зүүн хойд зүгт 130 километрт орших Баян-Адарга сумын “Хөлийн холбоо” гэх газар иргэн Г-гийн эзэмшлийн жонш олборлодог бичил уурхайд 30 настай, эрэгтэй иргэн Б-ын татлага нь тасарч, 40 метрийн гүнд унаж нас барсан тухай дуудлагыг өчигдөр 16:44 цагт Онцгой байдлын газар хүлээн авсан байна.
Дуудлагын дагуу тус аймгийн Онцгой байдлын газрын Гал түймэр унтраах, аврах 42 дугаар ангийн алба хаагчид 20:31 цагт очиж хоёр цаг гаруй ажиллаж цогцсыг гарган аймгийн Шүүхийн шинжилгээний албанд шилжүүлэн өгчээ.