УИХ-ын гишүүний сэнтийгээс буун байж хотын дарга болсон Д.Сумъяабазар Сумька гэдэг нэртэй болоод удаж байна. Хотын дарга болсон цагаасаа л ялархаж буй мэт ажлаа хийж буй нь ард олны дургүйцлийг ихэд хүргэх болсон. Тиймээс түүнийг амраая, ажлаас нь буулгая гэдэг албан бус шаардлага олон нийтийн дунд яригдах болжээ. Харин сэтгүүлч Б.Отгон саяхны өдөр голыг нь олж, гохыг нь дарах мэт хэдхэн үгээр Сумькагийн хийсэн оновчгүй ажлуудыг “буудаад” авав. Тэрбээр “1. Халдвартай хүмүүсийг тусгаарла гэхээр халдвартай, халдваргүйг нийлүүлж хориод тусгаарлах байрнаас халдвар түгээнэ.
2.Бөөгнөрөл үүсгэхгүй бай гэхээр зөвхөн тодорхой цагуудад бүгдийг нэг дор явуулж бөөгнөрүүлнэ
3 Дархлаагаа хамгаалахын тулд хангалттай унтаж амар , цэвэр агаар, хөдөлгөөн гэхээр хүргэлтийг шөнө болгож унтуулахгүй. Хөдөлгөөнгүй хорьж, агаарын бохирдолтой хотод түгжинэ.
4 Халдвар хамгааллын дэглэм сахь гэхээр шөнө ирсэн хүнсний бүтээгдэхүүнийг гэртээ хадгалах нөхцөл бүрдүүлнэ
- Дотоодын үйлдвэрлэлийг дэмжиж, ажлын байр нэмэх алтан боломжийг ашиглахын оронд халамж,хүүхдийн мөнгөөр түр угжих сонгуулийн стратеги.
- Хэмнэлтийн горимд шилжиж зардлаа тана гэхээр орлогоос давсан зардалтай төсөв батална.
- Шийдвэр гаргагчид нь гүйцэтгэгчидтэйгээ өдөржин зурагтаар асуулт хариултын АХА тэмцээн зохиож үзүүлнэ.
Улсыг ухаанаар удирддаг юм аа. Булчин, жүжиг, хууран мэхлэлт, хомхой сэтгэл … аль нь ч биш!!! Сэтгүүлч Б.Отгон” гэжээ.