Зайсанд газрын маргаан үргэлжилсээр. Энэ талаар сэтгүүлч Б.Отгон өөрийн хуудсаараа дамжуулан нэгэн сурвалжлах нэвтрүүлэг оруулжээ. Гишүүн асан Л.Гүндалай нь Дархан цаазат Богд хан уулын аманд О.Одсүрэн гэгч дүүгийнхээ нэр дээр олон га газар авсан. Уг газар дээрээ барилгын компаниудаар орон сууц бариулангуутаа бүтэн орц, давхараар нь өөртөө байр авдаг. Барилгын компаниуд нь Оршин суугчдад тоглоомын талбай, амарч зугаалах талбайтай гэх зураг төсөл үзүүлж, хууран мэхэлж зарчихаад эцэст нь уг газар дээрээ дахиад барилга барьдаг.
СӨХ- йн дарга Б.Зоригоо : “Бид нарт зарахдаа тоглоомын талбайтай гээд зураг үзүүлээд зарчихсан . 180 өрхийн 500 аад хүүхэд бий . 500 хүүхдийн тоглох талбай гэхэд энэ байна . Энэ уг нь тоглоомын зориулалттай газар биш Хотхоны дулааны болон цэвэр усны узелийн дээврийг ашиглаж тоглоомын талбай хийх гэж оролдож байгаа хэлбэр” гэжээ.
Ийнхүү оршин суугчид нь шаардлага тавихаар Л.Гүндалайн эхнэр Л.Аззаяа “Ганбаатар, Зоригоо гэх хүмүүс СӨХ-ийн нэрийг ашиглаад, газрын зөвшөөрлийг нь хувьдаа авах гээд явж байгаа. Энэ газар олон жилийн турш барилга байшин бариулах гэсэн боловч бүгдийг хүчингүй болгосон. Би энэ байшинг нэгдүгээрт бариагүй учраас би тоглоомын талбай хаана байгааг мэдэхгүй . Би энд байшин байгаа гэдгийг л мэдэж байна. Яах гэж Хууль зөрчиж барьсан орон сууцыг худалдаж авсан юм. Хаана хаанаа хуулиа биелүүлэх хэрэгтэй” хэмээн чанга дуугаар хашгирч байна.