Өчигдөр нийгмийн сүлжээнд лайв хийх үедээ дуучин Никитоны Б.Батчулуун , С.Сэрчмаа нарын ярьсан онигоо хүмүүсийн дургүйцлийг ихээхэн хүргэсэн билээ. Үүнээс үүдэн тэднийг бойкотлох давалгаа үүсээд байна. Хамтран ажилладаг байгууллагууд ч гэрээгээ цуцлахаа мэдэгдээд байгаа. Тэгвэл дуучин Б.Батчулуун өөрийн цахим хуудаснаа дараах мэдэгдлийг хийсэн байна.
Тэрээр “Сээлийгийн нэвтрүүлэгт орчихоод хот орох ажилтай учир Сээлийгийн машинд дайгдаад яармагаас хот хүртэл 6 цаг гаран түгжирсэн юм. Тэр хооронд лайв хийгээд хэсэг онигоо ярив. Би ч дотроо санаа зовжил байлаа…. рай л хаард онигоо ярьчихав уу даа гээд….
Уг нь ч хот тэр чигтээ түгжрээд бухимдалтай байхад нь жоохон ч гэсэн хөгжөөе гэсэн санаатай байсийм уул нь…. даан ч хужир нь ихдээд түмэн олныг дэндүү бухимдуулчихлаа. Олон нийтийн сүлжээгээр болох болохгүй зүйл донгоссон нь миний түмэн буруу. Та бүгдийг энэ өвчин зовлон гээд сэтгэл санаа хүнд байхад нэмэр болохын оронд нэрмээс болж стрэстүүлсэндээ томоос том хүлцэл өчье.
+ 18 онигоог хүн бүхэн л дор бүрдээ ярьдаг байх …. гол нь олон нийтийн сүлжээгээр ярих ч юм байна ярихгүй ч юм байна гэдгийг хүмүүс анзаарч сургамж авсан биз ээ. Надад бол томоос том сургамж боллоо” гэсэн юм.