АНУ-ын Олон Улсын Хөгжлийн Агентлаг (USAID) -ын Монгол дахь захирал Гарри Роббинс тус агентлагаас Монгол Улсын Засгийн газрын COVID-19 арга хэмжээнд дэмжлэг үзүүлэх зорилгоор 450,000 ам.доллар буюу 1.3 тэрбум төгрөгийн хөтөлбөр эхлүүлж буйг мэдэгдлээ.
АНУ-ын Олон улсын хөгжлийн агентлагаас FHI 360 байгууллага болон Монгол Улсын Эрүүл мэндийн яамтай хамтран “Meeting Targets and Maintaining Epidemic Control” (EpiC) төслөөр дамжуулан “Насанд хүрэгсдийн COVID-19 халдварын оношилгоо, эмчилгээний менежемент” сургагч багш бэлтгэх цуврал сургалт зохион байгуулах аж.
Уг хөтөлбөрт эхний ээлжинд Монгол Улсын хөдөө орон нутгийн буюу аймгийн эмнэлгийн эрчимт эмчилгээ, яаралтай тусламжийн 30 орчим эмч, сувилагч хамрагдаж байна. Энэхүү сургалтыг Калифорнийн Сан Францискогийн Их Сургууль (UCSF) боловсруулсан бөгөөд UCSF-ийн анестезиологич, клиникийн профессор, доктор Ланди Кэмпбелл удирдана.
USAID-ийн захирал Роббинс “Монгол Улсын засгийн газраас вирусын тархалтыг зогсооход шийдвэртэй арга хэмжээ авч байгааг АНУ-ын засгийн газар сайшааж байна. АНУ-ын Засгийн газар нь COVID-19-ийн эсрэг тэмцэлд Монгол Улс болон дэлхийн бусад түншүүдтэй хамт байдаг ” гэжээ.
Энэхүү нэмэлт санхүүжилтийг олгосноор, АНУ-аас Монгол Улсад COVID-19 өвчний дэгдэлттэй тэмцэхэд зориулж нийтдээ 4 сая ам.долларын (11 тэрбум төгрөг) шууд туслалцаа үзүүлж байна.
Уг тусламжаар, Монгол Улсын өвчинтэй тэмцэх чадварыг бэхжүүлэх болон халдвараас урьдчилан сэргийлэх, хяналт тавих, лабораторийн хүчин чадлыг нэмэгдүүлэх, вирусын тархалтаас урьдчилан сэргийлэх, хариу арга хэмжээ авах талаар авч хэрэгжүүлэх арга хэмжээний талаар олон нийтэд таниулах зэрэг тэргүүлэх чиглэлд ажилласан.
АНУ нь нийгмийн эрүүл мэндийн чиглэлээр дэлхийн хамгийн том тусламж үзүүлэгч улс. Сүүлийн хорин жилийн хугацаанд АНУ дэлхийн эрүүл мэндийн чиглэлээр 140 гаруй тэрбум долларын тусламж үзүүлжээ. АНУ нь дангаараа COVAX хөтөлбөрийн хамгийн том хандивлагч болохын хувьд COVID-19 вакцины дэлхийд нэвтрэх санаачилгын хүрээнд COVID-19 вакциныг 92 оронд худалдах болон хүргэхэд дэмжлэг үзүүлэх зорилгоор 4 тэрбум ам.долларын тусламж олгохоор төлөвлөснөөс эхний санхүүжилт болох 2 тэрбум ам.доллароос дэлхийн 92 оронд вакцин нийлүүлээд байгаа. Үүнд Монгол Улс орж байгаа гэж юм.
АНУ-ын Элчин сайдын яам