Говь-Алтай аймгийн Алтай сумын Хилийн цэргийн 0214 дүгээр ангийн хугацаат цэргийн хоёр алба хаагч харуулын даргаа буудаж хөнөөгөөд, зугтсан хэрэг энэ сарын эхээр гарсан. Оргосон цэргүүдийг хүний амины хэрэг гарснаас гурав хоногийн дараа баривчилж, хэргийн шалтгаан нөхцөлийг тодруулахаар албаныхан ажиллаж байгаа юм.
Тэгвэл энэхүү хэрэгтэй холбогдуулж хэрэг гарсан цэргийн ангийн захирагчийг ажлаас нь чөлөөлсөн байна. Тодруулбал, Хил хамгаалах ерөнхий газрын дарга, бригадын генерал Х.Лхагвасүрэн, Хилийн цэргийн 0214 дүгээр ангийн захирагч хурандаа Н.Батсайханыг чөлөөлөх шийдвэр гаргажээ. Харин түүний оронд Баян-Өлгий аймаг дахь хилийн 0285 дугаар ангийн захирагч, хурандаа В.Батжаргалыг томилсон байна.