С.Амарсайхан 2019 оны Хөрөнгө орлогын мэдүүлэгтээ 10.7 тэрбум төгрөгийн үнэ бүхий гурван нийтийн орон сууцтай, амины орон сууц байхгүй гэж мэдүүлсэн байдаг. Гэвч тэрбээр Зайсангийн аманд байрлах харшдаа гэр бүлийнхээ хамт амьдардаг. Уг байшингийн 4 га газар ах С.Ганбатын хувьцаа эзэмшдэг “Юко” ХХК дээр бүртгэлтэй байдаг аж.
Мөн ах С.Ганбатынхаа нэр дээр “эзэмшдэг” гэх Зайсан, Богд хан уул орчмын дээрх 15.02 га газрыг 0.07 га-д хуваавал 214 гарна. Өөрөөр хэлбэл 214 өрх амьдарч болох газрыг С.Амарсайхан хувьдаа авсан уу гэх мэдээлэл ч хэвлэлээр цацагдаж байсан.
Түүнчлэн “Оюуны ундраа” группийн хэрэгжүүлсэн “Zaisan Hill” төсөл ч С.Амарсайханы гэгдэх газруудын нэг байршилд нь баригдсан байдаг. Харин уг 4.4 га газрыг ердөө 18 орчим сая төгрөгөөр худалдаж авсан гэх мэдээлэл ч мөн ил болж байлаа.
Сүүлийн үед түүний эхнэр Ч.Ичинхорлоо ХӨСҮТ рүү сахиур хийхээр нэвтрээд, маргааш нь гараад явсан, хүү А.Эрдэнэхүслэн нь Боловсролын зээлийн сангийн санхүүжилтээр Их Британид суралцахаар болсон зэрэг мэдээллүүд ил болоод байгаа билээ.