Энэ сарын 25-нд хатуу хөл хорио тогтоосонтой холбоотойгоор УОК-оос өчигдөр /2021.04.23/ мэдээлэл хийлээ. Энэ үеэр Шадар сайд С.Амарсайхан: Нийгмийн даатгалын шимтгэлийн талаар асуусан сэтгүүлчийн асуултад харулт өглөө.
Тэрээр “Нийгмийн даатгалын шимтгэлийн буцаан олголт, хувь хэмжээтэй холбоотой санал иргэд, аж ахуйн нэгжээс их ирж байгаа. Энэ хүрээнд Засгийн газрын хуралдаанаар хэлэлцэж, асуудлыг УИХ-аар хэлэлцүүлж шийдвэрлүүлэх чиглэлийг ХНХ-ын сайдад өгсөн. Өөрөөр хэлбэл, Аж ахуйн нэгж, иргэдээс тавьж буй асуудал, саналыг шийдвэрлүүлэх чиглэл өгсөн гэж болно” гэлээ.
