УИХ-ын гишүүн Б.Пүрэвдорж хэд хоногийн өмнө “Ниссан Тиана” загварын суудлын автомашин жолоодож яваад осол гаргасан. Түүний уруул сэтэрч, ГССҮТ-д хүргэгдсэн.
Түүнийг драйгер багажаар үлээлгэхэд 1.31 хувийн согтолттой гарсан талаар цагдаагийн байгууллагаас мэдээлсэн. Тэрээр уг ослын талаар өөрийн сошиал хуудастаа уучлал хүсчээ. Тодруулбал,
“Би хариуцлагүй үйлдэл хийж зам тээврийн осол гаргасандаа иргэдээсээ уучлал гуйж байна. Хашлага саад гэмтээсний төлбөр төлж, жолоодох эрхээ хасуулж, торгууллаа. Мөн машины торгуулиа бүгдийг төлсөн. Цагдаа, эмч, онцгойнхонд баярлалаа. Одоогоор бие жаахан тийм тул эмчийн хяналтад байгаа. Дахиж ийм үйлдэл хийхгүй” гэжээ.
